Post office monthly income सुरक्षित गुंतवणूक आणि दरमहा निश्चित उत्पन्न मिळावे, अशी इच्छा असणाऱ्या नागरिकांसाठी केंद्र सरकारची पोस्ट ऑफिस मंथली इन्कम स्कीम (POMIS) ही एक वरदान ठरत आहे. १७ जानेवारी २०२६ रोजीच्या नवीन व्याजदरानुसार, या योजनेत एकदाच गुंतवणूक करून तुम्ही तुमच्या कुटुंबासाठी दरमहा ठराविक रकमेची सोय करू शकता.
विशेषतः ज्येष्ठ नागरिक आणि निवृत्तीनंतर नियमित उत्पन्न हवे असणाऱ्या लोकांसाठी ही योजना अत्यंत लोकप्रिय आहे.
पोस्ट ऑफिसच्या या योजनेत तुम्हाला एकरकमी (Lumpsum) गुंतवणूक करावी लागते. सध्या या योजनेवर साधारण ७.४% वार्षिक व्याज दिले जात आहे.
दरमहा ५,५०० रुपयांच्या कमाईचे गणित: जर तुम्ही आणि तुमच्या जोडीदाराने मिळून संयुक्त खात्यात (Joint Account) ९ लाख रुपये गुंतवले, तर सध्याच्या ७.४% व्याजदरानुसार तुम्हाला वर्षाला ६६,६०० रुपये व्याज मिळते. हे व्याज जर १२ महिन्यांत विभागले, तर दरमहा ५,५५० रुपये तुमच्या खात्यात जमा होतात. जर तुम्ही गुंतवणुकीची रक्कम वाढवून १५ लाख केली, तर हे मासिक उत्पन्न आणखी वाढू शकते.
१. जवळच्या पोस्ट ऑफिसला भेट द्या: तुमच्या घराशेजारील कोणत्याही पोस्ट ऑफिसमध्ये जाऊन ‘Monthly Income Scheme’ चा फॉर्म घ्या. २. कागदपत्रे जोडा: आधार कार्ड, पॅन कार्ड, आणि पासपोर्ट आकाराचे फोटो अर्जासोबत जोडा. ३. गुंतवणूक रक्कम: चेकद्वारे किंवा रोख स्वरूपात तुमची गुंतवणुकीची रक्कम जमा करा. ४. बचत खाते जोडा: मासिक व्याजाची रक्कम जमा होण्यासाठी तुमचे पोस्ट ऑफिसमध्ये बचत खाते (Savings Account) असणे आवश्यक आहे.
या योजनेत मिळणारे व्याज हे करपात्र (Taxable) असते, परंतु त्यावर कोणताही टीडीएस (TDS) कापला जात नाही. जर तुम्हाला ५ वर्षांपूर्वीच पैसे काढायचे असतील, तर काही ठराविक कपात (Penalty) करून तुम्ही मुदतपूर्व पैसे काढू शकता.
सोन्याच्या किमतीत आज पुन्हा घसरण: दागिने खरेदी करणाऱ्या ग्राहकांना मोठा दिलासा Gold Price Today
